Pu Lalrinsanga Ralte chuan, " Serlui bial chhung zirna In atanga HSLC leh HSSLC result chhuaka mi eng emawzat in hlawhtlinna  an chang hi lawmawm ka ti hle a, lawmpuina leh chawimawina in hmuh ah duhtawk mai lova hlawhtling tlaka taima taka zir chhunzawm zel turin ka beisei a che u," tiin a fuih nghal bawk. 

MLA chuan, "Hlawhtlinna chang zo ve lo te pawh ka tuarpuiin, beidawng mai lova taima taka in zirlaite zir chhunzawm zel turin ka beisei a che u," tiin zirlaite chu chhawr tlâk leh mi puitling an nih theihna tura rilru zawng zawng seng turin a chah nghal.

Serlui bialtu MLA chuan, "He chawimawina kan buatsaih hian beisei let a nei a, chu chu hlawhtlinna sang zawk chang zel turte, ram leh hnam tana in thiam leh finna te hmang let leh turin kan beisei che u a ni," a ti a.

Pu Lalrinsanga Ralte hian kum nga kalta atang khan a bial chhung zirlai pass thar zawng zawngte lawmpuina a pek vek bakah distinction a pass te Laptop a lo pe ziah tawh thin a ni.